Firefox ( 20.0 )

ဧပြီလ နှစ်ရက်နေ့မှာ မီးမြေခွေး ဗားရှင်း ( ၂၀.၀ ) ထွက်ပါတယ် ။ ထွက်ထွက် ခြင်း အဆင့်မမြှင့်ဖြစ်ပါဘူး ။ အရင် ဗားရှင်း ( ၁၉ ) တုန်းက တော့ ပြသာနာလေးတွေ နည်းနည်းရှိခဲ့လို စမ်းတုန်း ကလိတုန်း မို့လို့ပါ။ ဒါပေမယ့် ဗားရှင်း အသစ်မှာ အဆင်ပြေသွားပြီလို့ ကြားလို့ တင်လိုက်ပါတယ်။ အားလုံး ပေါင်း ၁၃မဂ် လောက် ဒေါင်းလိုက်ရပါတယ် ။

အဆင့်မြှင့် လိုက်တဲ့ အထဲကမှာ အားလုံးလဲ မြင်သာ ထင်သာရှိပြီး အသုံးတည့်မယ့် အချက်လေးတွေ ကို ညွှန်းဆိုထောက်ပြပေးချင်ပါတယ်။

အင်တာနက် သုံးပြီဆိုရင် စကားဝှက်တွေ အီးမေလ်း အကောင့်တွေ စတဲ့ အရေးကြီး အချက်အလက်တွေကို ဘယောက်ဆာတွေကနေ တစ်ဆင့် ရယူအသုံးပြုနေကြတာ ဖြစ်ပါတယ်။ ဒီတော့ ကိုယ်သုံးတဲ့ ကွန်ပျူတာ က အင်တာနက် ဆိုင် (သို့) အလုပ် က ကွန်ပျူတာမျိုးဖြစ်နေတတ်ပါက Private Browsing ( လုံခြုံရေး မြှင့် အသုံးပြုအစီအစဉ် ) ကအရမ်း အသုံးဝင်တာကိုတွေ့ရပါတယ်။

Private Browsing

သူငယ်ချင်း က ကိုယ့် ကွန်ပျူတာကို ယူသုံးချင်တယ်ဆိုရင် ပေးသုံးပြီး မီးမြေခွေး ကို Private Mode နဲ့ဖွင့်ပေး လိုက်ယုံပါပဲ ။ အဲ့လိုပဲ ကိုယ်တခြား သူများ ကွန်ပျူတာတွေ ဘာတွေကို သုံးမယ်ဆိုရင် လဲ Private Mode လေးနဲ့ သုံးလိုက်ယုံပါပဲ ။

ဒီမှာ ဘာသွားတွေ့လဲ ဆိုတော့ တစ်ယောက်ယောက်ကို ပေးသုံးတော့မယ် ၊ ကိုယ်က တစ်ယောက်ယောက် စက်ကို ယူသုံးတော့မယ်ဆိုရင် ကိုယ်ဖွင့် ထားတဲ့ Tab တွေအကုန် ပိတ်ရတော့ တာပါပဲ ။ သဘောက Private Mode ကို New Window နဲ့ ဖွင့်ပေးလို့မရခဲ့ပါဘူး ။ Normal Mode က Tab တွေအကုန် ပိတ်ပစ်ခဲ့ရပါတယ်။ ဒါကို ဗားရှင်း ( ၂၀.၀ ) မှာ ဖြေရှင်းပေးလိုက်ပါပြီ။

ပုံမှာ ဆိုရင် ကျွန်တော် တစ်ပြိုင် ထဲ Tab နှစ်ခု ဖွင့်ထားတာကို တွေ့ရမှာပါ ။ တစ်ခုက ရိုးရိုး Mode အနေနဲ့ ဖြစ်ပြီး တစ်ခုကတော့ Private Mode အနေနဲ့ ဖြစ်ပါတယ်။

New Download UI

ဒါကတော့ Nightly ကိုသုံးဘူးတဲ့ လူတွေအတွက်တော့ အထူး အဆန်းမဟုတ်ပါဘူး ။ Nightly မှာ ဒီ UI တွေ ပြောင်းနေတာကြာပါပြီ ။ ဒါပေမယ့် ရိုးရိုး အသုံးပြုသူတွေ အတွက်တော့ အသစ် အဆန်းလေး ဖြစ်နေမှာပါ ။ UI ဆိုတာ User Interface အသုံးပြုသူ မျက်လုံး မြင်ရတာ ခံစား ရတာကို ဖြစ်ပါတယ်။ UX ဆိုတာကတော့ အသုံးပြုသူ မျက်လုံးနဲ့မြင်ရပြီး နောက်ထပ် ဘာဆက်လုပ်လို့ရမယ်ဆိုတာကို ဆက်သွယ်ပေးတဲ့ Objects တွေပါ ။ နှစ်ခုစလုံး တိုးတက်လာပါတယ်။

New Download

ကြည့်လိုက်ပါ အရင်က ဆို ကျွန်တော်တို့ ဒေါင်းလုဒ်ရယူပြီး သားဖိုင်တွေကို Right Click ပေးပြီးမှ ဒေါင်းလုဒ် လုပ်ထားတဲ့ဖိုဒါထဲကို သွားကြည့်ရတာပါ ။ အခု မလိုတော့ပါဘူး ဘေးက မှန်ဘီလူး ( Show in Finder ) ပုံလေးကို နှိပ်လိုက်တာနဲ့ ကိုယ်ဆွဲ ချထားတဲ့ဖိုင်ထဲ ကို တန်းရောက်သွားပါလိမ့်မယ် ။

Hanged coz of Plug-in ?

တစ်ခါတစ်လေ တစ်ချို့ Plug-in တွေ ဟဲန်းပြီး လေးသွားခဲ့ရင် အသုံးပြုသူတွေက မီးမြေခွေးက လေးသွားတယ်ဆိုပြီး ထင်တက်ကြပါတယ်။ တစ်ချို့ Plug-in တွေက ဟဲန်းသွားပေမယ့် ဘာ စာတန်း( Error Message ) မှ မပြတတ်ကြပါဘူး ။ Flash Player ဆိုတာမျိုးကျတော့ ပြပါတယ်။ သိသိ သာသာ လဲ လေးသွားတတ်ပါတယ်။

အခု မီးမြေခွေး ဗားရှင်း ( ၂၀.၀ ) မှာ ဟဲန်းသွားတယ်တာနဲ့ စာတန်းပြတဲ့ Plug-in ကို Disable လုပ်ပြီး ဆက် သုံးလို့ရပါမယ် ။ဆိုတော့ ဟဲန်ပြီး ပိတ်ကျသွားတာထက် စာလျှင် အခုလိုမျိုး ပိတ်လို့ရမယ့် နည်းလမ်းလေးက ကောင်းပါတယ်။ အနည်းဆုံးတော့ ကိုယ် သုံးလက်စတွေ မပျောက် ပျက်သွားတော့ဘူးပေါ့ ။

အထက်က ကျွန်တော်ပြောသွားတာတွေက အဓိက အသုံးပြုသူတွေ အတွက် မော်ဇီလာ က ကော ကျွန်တော်ကကော ကောင်းမယ် ထင်တဲ့ အတွက် ပြောပြထားတာဖြစ်ပါတယ် ။

အခြား HTML5 နဲ့ ပတ်သတ်တဲ့ နည်းပညာ အချို့လဲ ထပ်မံပါဝင်လာပါသေးတယ် ။ သုံးစွဲသူရဲ့ ကင်မရာနဲ့ မိုက်ကရိုဖုန်းကို သုံးဆွဲသူ ခွင့်ပြုချက်နဲ့ တောင်းခံပြီး ကိုယ့် WebApp တွေကို Video Support , Audio Support လုပ်လို့ရအောင် လုပ်ပေးထားပါတယ်။ အသေး စိတ် စိတ်ဝင်စားလို့ ဖတ်ကြည့်ချင်တယ်ဆိုပါက ဤ လင်ခ့်တွင် သွားဖတ်ပါ ။

ကျေးဇူးတင်ပါတယ်

တင်အောင်လင်း